Kommunane Hareid og Ulstein på Sunnmøre vurderer å slå seg saman til éin kommune.
Måndag kveld gjekk formannskapa i dei to kommunane einstemmig inn for å greie ut fordelar og ulemper ved ei samanslåing. Kommunane vil ha ein rapport ferdig på våren neste år.
Ulstein-ordførar Hannelore Måseide (uavhengig) hadde ønskt seg endå fleire kommunar med i ein ny storkommune på Hareidlandet, men både Herøy, Vanylven og Sande har takka nei.
Hareid (4.895 innbyggjarar) og Ulstein (7.380 innbyggjarar) er sentrale kommunar innanfor skipsbygging og skips- og offshoreteknologi.
Nabokommunane Ørsta og Volda på Sunnmøre ser også på moglegheitene for å slå seg saman. (©NPK)
