Kva utfordringar har øyane i dei kommande storkommunane?
Det har små øykommunar fått pengar til å finne ut av.
800.000 kroner er sett av til prosjektet som ti øykommunar deltar i. Det er Træna, Fedje, Hasvik, Kvitsøy, Leka, Røst, Smøla, Solund, Utsira og Værøy.
– Det er bra at kommunalministeren har forståing for dei utfordringane som øykommunane vil få, seier ordførar Ole Gunnar Krakhellen (H) i Solund kommune i Ytre Sogn til avisa Firda.
Han viser særleg til rekruttering, busetjingsmønster og andre problem knytt til stor avstand. Øykommunar vil til dømes vanskelegare kunne utnytte større bu- og arbeidsområde. (©NPK)
