Lær av dei beste i bruken av sosiale medium!
Mange norske kommuner er bevisste og avanserte brukarar av sosiale medium. Det viser ein fersk FoU-rapport frå KS.
Her er lista over dei 30 beste kommunane på Facebook!
– Det er ikkje lenger nok å misjonera for at det er lurt å ta i bruk sosiale medium; no handlar det om korleis me best skal gjera det, seier Trude Andresen områdedirektør for Forsking, innovasjon og digitalisering i KS. Gambit H+K Strategies har utført studien som særleg undersøker innsatsen innanfor innbyggardialog, omdømme og krise- og beredskapsarbeid. KS var nysgjerrig på om kommunane bruker sosiale medium innanfor desse områda.
– Sjølv om bruk av sosiale medium ikkje er nytt lengre, så er det eit arbeid i stadig utvikling. Mange kommunar ynskjer seg erfaringsdeling. Det er særleg råd frå dei som har lukkast som er interessante. Her er dei samla; stel og del, oppmodar Andresen.
Kva gjer dei beste kommunane?
– Blant dei gode kommunane innanfor innbyggardialog ser me at dei informerer om lokale aktivitetar, inviterer innbyggjarane til dialog, svarar raskt på spørsmål og har klare rutinar for vidareformidling av meldingar frå sosiale medium, seier Andresen.
Vidare viser undersøkinga at kommunar som er flinke til å bruka sosiale medium til omdømmebygging styrkjer lokalpatriotismen ved å visa fram «gladsaker», bruker eit personleg språk og ein uformell tone, tek sjølvkritikk og har gode retningslinjer for tilsette si bruk av sosiale medium.
– Når det gjeld sosiale medium i krise- og beredskapsarbeid er det god bruk å informera om kvardagskriser, bruka sosiale medium som ein ekstra krisekanal, og overvaka sosiale medium aktivt, òg utanfor kommunen si ordinære opningstid, seier Andresen.
Her finn du råd om bruk av sosiale medium innanfor dei tre områda som er undersøkt:
Innbyggardialog
