Heim Nyhende Krev fleire lærebøker på nynorsk

Krev fleire lærebøker på nynorsk

Noregs Mållag meiner det må verta lettare for kommunane å gje nynorskopplæring til vaksne innvandrarar.

 

– Då trengst det større tilfang av nynorsk opplæringsmateriell. Det er i dag ikkje godt nok at parallellitetskravet for læremiddel ikkje gjeld for norskopplæringsmateriell, slik det gjer for anna skulemateriell. Mållaget meiner eit slikt krav må innførast. Det inneber at læremiddel for vaksne innvandrarar må koma på nynorsk og bokmål til same tid og same pris, seier Marit Aakre Tennø, leiar i Noregs Mållag.

LES OGSÅ: Byter ut bokmål med nynorsk

Dårlegare tilbod på nynorsk
Utvalet av nynorske læremiddel er dårlegare enn for læremiddel på bokmål. Det er ein av grunnane til at berre 39 av nynorskkommunane i dag gjev vaksne innvandrarar opplæring på nynorsk.

– No er fleire kommunar på veg til å gå over til å gje opplæring på nynorsk, og dette er svært gledeleg. Voss gjorde vedtak om å gå over til nynorsk sist veke. Hjelmeland, Ullensvang og Osterøy skal ha saka opp i kommunestyret før jul. Læremiddelsituasjonen har dei siste åra blitt betre, men det er framleis eit stort gap mellom utvalet av læremiddel til dei som får bokmålsopplæring og dei som får nynorskopplæring, seier Marit Aakre Tennø.

LES OGSÅ: Vil at innvandrar skal få lære nynorsk

Har skrive brev til Solveig Horne
Det finst ingen krav til at det skal utviklast nynorske læremiddel, og for å kunne utvikla nynorske læremiddel er forlaga avhengige av tilskot frå Vox, løyvt av departementet.

– Når Barne-, likestillings- og inkluderingsdepartementet tildeler pengar til Vox – Nasjonalt senter for kompetansepolitikk for læremiddelutvikling i 2016, må ein større del av potten gå til utvikling og omsetjing av nynorske læremiddel, seier Marit Aakre Tennø.

Ho har sendt brev til departementet om saka.

– Folkeveksten kjem i heile landet av utanlandsk innvandring, og god norskundervising er avgjerande for god integrering. I nynorskkommunane bør vaksne innvandrarar læra det språket ungane skal læra på skulen og som vert brukt elles i kommunen. Då må det vera like lett å tilby nynorskundervising som bokmålsundervising. Til dét trengst det fleire læremiddel, understrekar Tennø.

LES OGSÅ: Lite framandspråk i skulen – kva kostar det oss?

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...