Denne veka kan du få med deg kunstutstillingar, sommarkonsertar, eit motbakkeløp og mykje meir langs Diktarvegen.
Vi deler aktivitetane inn tematisk – og kan då by deg:
Mat: Kafeen Underground i Strand kommune er open kvar måndag og torsdag fra kl 17 til 21. Kvar torsdag i juli blir det servert kaffi og vafler i Bygdatunet i Granvin frå kl. 14.00 til 17.00. I tillegg vert det ein minikonsert med elevar frå musikkskulen i Holvenstova i Granvin ca kl 15.00. Konserten er gratis.
Friluftsliv: I Ulvik går fiskefestivalen av stabelen kommande helg, den sjuande festivalen i rekkja. Dette er ein festival for både store og små, og det blir konkurransar, underhaldning og mykje moro!
For dei som føler for å svi av nokre kaloriar og nyet livet ute, skal Granvin turlag ha tur frå Liaset via Olavstøl til Olsskalven på søndag 10. juli. Turen startar klokka 11, og Lars Eirik Holven blir med som turleiar.
Same dag skal Feios idrettslag arrangere motbakkeløpet Vidasete opp for 6. gong i 2011. Du kan delta i trim/famlilie kl 09.00-12.00 eller vere med i konkuranseklasse med start kl 12.27. Løpet startar på Lunde. Meir om løpet finn du her: http://www.feios.no/feios/vidasete-opp/
Musikk: Vassendgutane har nyleg gitt ut ny CD, og dei skal spele i Eidfjordhallen på fredag.
Galleri N.B. i Eidfjord skal ha opningskonsert laurdag kl 18.00. Programmet for opningskonserten byr på eit fargerikt program. Sentralt står den folkekjære Edvard Grieg med utdrag frå Holberg suiten og Lyriske stykker op. 43.
Kunst: Laurdag 9. juli opnar Galleri Walaker 300 i Balestrand dørene kl 13 for årets andre utstilling. Det vert servert heimelaga eplejuice og fingermat til dei som kjem kl 13. Dei som stiller ut er: Inger Sitter, Sigrid Øyrehagen, Gro Hege Bergan, Astrid Grue og Karin Øvstedal.
Arrangementa er henta frå kalenderen til www.diktarvegen.no. Har du tips til arrangement langs Diktarvegen? Kontakt oss!
