Heim Nyhende – Kurs på budsjettet

– Kurs på budsjettet

Ein runde blant nokre av nynorskkommunane viser at mange er opptekne av å bruke eit godt språk. Hemsedal kommune er ein av dei som no vurderer kurset På saklista.

– Mange av dei som kjem hit, kan ikkje nynorsk skikkeleg, seier rådmann i Hemsedal kommune, Gabriel Johannessen, og vedgår at behovet for å auke kompetansen i nynorsk er til stades. Hemsedal er ein av dei kommunane som no vurderer LNK sitt nynorskkurs for kommunetilsette, På saklista.

– Me registrerer at kunnskapen om nynorsk blir dårlegare, og mange av bokmålsbrukarane slit med å omsetje til nynorsk. Me har difor sett kurs på budsjettet, seier han, men legg likevel vekt på at Hemsedal truleg ikkje er den dårlegaste i klassen. Ifølgje Johannessen kan språk også vere ei utfordring når det gjeld rekruttering av personell til kommunen.

Sykkylven kommune er mellom dei som har gjennomført kurset På saklista med gode erfaringar.

– Eg meiner det var i 2006. Det var eit veldig bra kurs, men det er ikkje noko me har planar om å prioritere på nytt no. Men det er klart det kan vere aktuelt med kurs med jamne mellomrom, seier kommunalsjef Eldrid Suorza i Sykkylven kommune.

Ho legg vekt på at kommunen prøver å vere bevisst på korrekturlesing, og at det som går ut frå administrasjonen er korrekt nynorsk. Ho viser også til at kommunen no er i ferd med å vedta ein målbruksplan.
Rådmann i Vinje kommune, Hans Kristian Lehmann, fortel at kommunen har kurs i nynorsk for saksbehandlarane sine annakvart år.

– Vinje kommune brukar nynorsk på kommunen sine nettsider og som digitalt språk, men me ser at det stadig er rom for forbetringar, seier han, men legg til at det i ein hektisk kvardag ikkje alltid er like enkelt å halde fokus på eit godt språk.

Kontorsjef i Bykle kommune, Inger Lise Grønsand, seier at 90 prosent av det kommunen skriv på sine nettsider, er på nynorsk, og at kommunen har kurs for sine tilsette innimellom.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...