Heim Nyhende Lagar reservat for bygdedyret

Lagar reservat for bygdedyret

No skal bygdedyret få pensjonere seg, i alle fall i Hjelmås. Viss humørbonde Geir Styve får det som han vil, opnar landets truleg første innhegning for bygdedyr i mai.

– Eg har søkt kommunen om å få bygge eit reservat kor bygdedyret kan trekkje seg tilbake, fortel Styve. Bakgrunnen er at heimbygda hans, Hjelmås, har etablert seg som 5915 Humørbygda. Og med humørbygd, humørturløyper og humørfestival i bygda, kor blir det då plass til bygdedyret, funderer Styve.

Han har no søkt Lindås kommune om å få bruke 50m2 jord til dette reservatet, og saka er kome inn i kommuneplanen som er på høyring i desse dagar. Så stor har den kommunale velviljen vore at Styve har fått tildelt dobbelt så mykje jord som han bad om. Det har vore ei grundig konsekvensutgreiing undervegs, og på plankartet blir no reservatet merka som kulturminne.

– Vi håper at reservatet skal bli eit minne om bygdedyret som ein gong fanst, seier Styve.

Han er overtydd om at bygdedyret framleis lever blant oss, meir enn 50 år etter at diktaren Tor Jonsson gav Janteloven ei kledning i form av eit “bygdedyr”.  Poenget med reservatet blir å gjere folk bevisste på bygdedyrets vesen og gjerne ta avstand frå både det og Janteloven.

– Vi skal ha sutrebenk, protestmateriell og ein miniatyrsytebane, fortel Styve om planane framover.  – Ferdige plakatar som folk kan ta til viss dei vil, kor det kanskje står “Pøh”, “Det går aldri” eller kanskje “Ordføraren er dum”. Kanskje greier vi å finne oss eit naturtalent av ein sytebas til sytebanen.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...