Synnøve Kvamme skal fortelje om korleis ei mast kan setje fyr på engasjement under Mot til å meina sin valkonferanse i Oslo.
Konferansen som går av stabelen 10 og 11. mars i Oslo har fått tittelen “Snakk med oss – då gidde me kanskje stemma”.
Det er kommunane Hjelmeland, Sauda og Time som i samarbeid med Kommunal-og regionaldepartementet gjennomfører pilotprosjektet som er retta mot ungdom under 26 år.
På konferansen kjem blant andre kommunal – og regionalminister Liv Signe Navarsete (Sp) for å snakke om korleis kommunane skal klare å få med seg dei unge i politikken.
Det er også sett av tid i programmet til å møte engasjerte ungdommar. Leiar i Granvin ungdomsråd, Synnøve Kvamme, vil til dømes snakke om korleis ei mast kan setje fyr på engasjement.
Og Trond – Viggo Torgersen som er leiar av regjeringa sitt uval om unge si makt og deltaking skal gi svar på spørsmålet: Korleis gi dei unge auka makt på den politiske arenaen?
Målet er å auke det politiske engasjementet blant unge. Ikkje minst arbeider ein mot at fleire unge vil ta del i politisk arbeid, politiske parti og politiske interesseorganisasjonar fram mot lokalvalet til hausten.
Dei vidaregåande skulane som dekkjer pilotkommunane har peika ut fem elevar kvar som skal følgje prosjektet og leggje premissar og gi innhald til prosjektet.
