Heim Nyhende Sintef slaktar mastedebatten

Sintef slaktar mastedebatten

Regjeringa vingla og lokalpolitikarane var utydelege. Den inkonsekvente oppførselen til politikarane kan føre til ein strøm av nye konfliktar, skriv Sintef i ein ny rapport.

 – Eg trur ikkje regjeringa skjønte sprengkrafta i Hardanger-saka. Dei vart tatt på senga av mediestormen og torte ikkje stå fast ved energipolitikken sin når saka eksploderte, seier forskingsleiar Audun Ruud ved Sintef Energi til Bergens Tidende.

Han trur at nye prosjekt kan føre med seg så mykje konflikt at det kan true utbygginga av strømnettet.

– Viss vi skal gjennom denne typen kamp kvar gong det skal byggjast ei ny kraftlinje, så får vi ikkje det strømnettet vi treng. Det absurde er at nesten alle er einige i at vi treng denne typen nettutvikling, seier Ruud.

Han meiner politikarane må bli meir robuste ved neste korsveg.

– Vi treng styring. Det kan ikkje vere slik at politikarane skal skifte meining berre det blir pirka litt borti ei sak. Når avgjerda først er tatt, må politikarane tore å stå for det, seier forskingsleiaren.

Sintef Energi er knytt til det nye forskingssenteret Cedren (Center for Environmental Design of Renewable Energy), som driv forsking på miljøvennleg energi. Senteret er eit direkte resultat av klimaforliket. Noregs naturvitskaplege universitet (NTNU) og Norsk institutt for naturforsking (Nina) er også med i Cedren.

Ruud har leidd eit forskarteam som har gått gjennom heile behandlinga av Hardanger-saka frå starten i 2005 til den endelege avgjerda vart tatt 1. mars i år.

Både regjeringa, Stortinget, lokalpolitikarar og media får gjennomgå i rapporten, som blir lagt fram om nokre få dagar. (NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...