Mindre enn eitt år etter at ho blei tilsett, har dagleg leiar Mari Olafson Lundemo ved Olav H. Hauge-senteret i Ulvik sagt opp stillinga si.
– Lundemo har gjort godt arbeid og vunne tillit i mange miljø. Det har vore kjekt å samarbeida med henne, og eg har gjort det eg kunne for at Lundemo skulle bli verande, seier direktør Ottar Grepstad i Nynorsk kultursentrum i ei pressemelding.Lundemo har vore dagleg leiar ved Olav H. Hauge-senteret sidan mars 2011. Ho sluttar i stillinga 31. mars for å gå tilbake til historiefaget.
– Dette har vore ei særs lærerik og spennande tid som gjennom godt samarbeid med kollegaer og andre aktørar har gitt meg mykje. Likevel blei saknet etter historiefaget for stort, og eg kom difor til at det ville vera rett å overlata det vidare arbeidet med Hauge-senteret til andre, seier Lundemo som er utdanna historikar. (NPK)
