Den smittsame bakterien Mykoplasma er på frammarsj. Sjukdommen minner om ei vanleg forkjøling eller influensa, men kan utvikle seg til lungebetennelse.
Prøver frå Sjukehuset i Vestfold viser ein klar auke av sjukdomstilfelle dei siste vekene. Bakterien gir øvre luftvegsinfeksjon med mykje og langvarig hoste. Til dømes var det berre seks av 21 elevar som møtte på skulen etter haustferien i ein klasse på Nøtterøy. Resten var sjuke, fortel NRK.
Mikrobiologisk avdeling på Sjukehuset i Vestfold får vanlegvis inn 5– 10 positive mycoplasmaprøver i veka. Men sidan sommaren har talet lege på opptil 50.
Mykoplasma er ein bakterie som har nokre av eigenskapane til viruset. Han kan føre til luftvegsinfeksjonar som bronkitt, biholebetennelse, øyrebetennelse og lungebetennelse.
Mykoplasma lungebetennelsar blir også kalla «lungebetennelse light» fordi ein ofte ikkje blir like sjuk som ved vanleg lungebetennelse. Sjukdommen er også kalla smittsam lungebetennelse fordi han i motsetning til annan lungebetennelse kan smitte.
Mange blir friske av seg sjølv, men om du har vore sjuk i to månader bør du gå til legen. (NPK)
