Veit du om ei verksemd som fortener ros for å nytta nynorsk i næringslivet? Noregs Mållag etterlyser no kandidatar til nynorsk næringslivspris.
Juryen for prisen inviterer no lokale mållag og andre til å koma med grunngjevne framlegg til kandidatar som fortener prisen.
I statuttane heiter det at utmerkinga skal fremja innsatsen for og bruken av nynorsk i næringsverksemd, og at alle typar verksemder som ikkje er omfatta av Mållova kan få prisen.
Tidlegare har Skogstad Sport AS, Ægir bryggeri, Kari Traa, Hotel Alexandra, og Lerum AS fått prisen.
Fristen for å koma med framlegg til kandidatar i år er 1. september. (©NPK)
LES OGSÅ: Fristen nærmar seg for å søkja om å bli Årets nynorskkommune
