Heim Nyhende Målpris til Kari Bjørke

Målpris til Kari Bjørke

Kari Bjørke fekk årets målpris frå Juristmållaget for innsatsen ho har lagt ned i viktige verv i ulike nynorskinstitusjonar i over tjue år, mellom anna som første dagleg leiar i LNK.

Ho har også vore styreleiar i Nynorsk kultursentrum, i oppslagsverket Allkunne, i Litteraturselskapet Det Norske Samlaget og Stiftinga Det Norske Samlaget, og ikkje minst som leiar av Juristmållaget.

Årets målprisvinnar er fødd på Voss i 1961. Ho gjekk ut frå Voss gymnas i 1980, og var i 1987 ferdig utdanna jurist ved Universitetet i Bergen. Frå 1987 til 1993 var ho sakshandsamar i Kommunal- og arbeidsdepartementet. I 1993 vart ho tilsett som den første daglege leiaren i Landssamanslutninga av nynorskkommunar. Der arbeidde ho i fire år, før ho i 1997 byrja i Nærings- og handelsdepartementet. Ho har også arbeidd i to år frå 2008 som nasjonal ekspert ved Europakommisjonen i Brussel. No arbeider ho som seniorrådgjevar i Kunnskapsdepartementet.

Målprisvinnaren har hatt mange verv i ulike institusjonar som fremjar nynorsken. Ho var sekretær for Ivar Aasen-stiftinga, no Nynorsk kultursentrum, frå 1993 til 1997. Ho var deretter styremedlem i Nynorsk kultursentrum frå 1998 til 2006, dei fire siste åra som styreleiar. I Litteraturselskapet Det Norske Samlaget var ho styremedlem frå 2006 til 2008, og seinare styreleiar frå 2010 til 2012. Frå 2012 er ho styreleiar i Stiftinga Det Norske Samlaget.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...