Heim Nyhende Målpris til Terje Fatland

Målpris til Terje Fatland

Rogaland Mållag gir Målprisen 2012 til Terje Fatland.

– Prisvinnaren har sett ein klar bygdesignatur inn i fylkeskommunen sitt mangslungne arbeid, etter kvart heilt inn i toppen av den administrative leiinga, heiter det i grunngjevinga frå juryen.

Terje Fatland har heilt sidan 1982 hatt sitt virke i fylkeskommunen. Han er fødd i 1952 og har bakgrunn i bygdeliv og  bygdekultur.
– Kanskje ikkje tilfeldig at han kjem frå bygda der Rasmus Løland er fødd, den første og største barnebokforfattaren Noreg har fostra, skriv juryen.

Juryen legg også vekt på at nynorsken har vore ein heilt naturleg del av Fatland sitt virke, ikkje minst har dette påverka fylkeskommunen sin kommunikasjon med innbyggjarane i fylket vårt. Fylkeskommunen er språkleg nøytral, og juryen meiner Fatland har gjort ein god jobb for at nynorsken skulle vise igjen.

– Terje har med sin penn blitt lagt merke til. Han vender seg til oss med formuleringar og ordspel som gir oss innblikk i kva som kan ligge i heidersnemninga “ordhag”.  På ein uhøgtidleg og lite prangande måte gjer han nynorsk ufarleg, samtidig som han tar oss med inn i spennande språklege samanhengar nynorsken er åleine om som norsk mål. Hans mange gode leiartekstar i fylkeskommunen sitt gode magasin “Rogaland i utvikling” viste dette for eit stort publikum, heiter det i grunngjevinga.

Det var fylkesordførar Janne Johnsen som delte ut prisen. Tidlegare biskop Bjørn Bue og fylkestannlege Bjørg Øyri er mellom dei som har fått prisen tidlegare. I 2011 var det Janove Ottesen i Kaizers orchestra som fekk den.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...