Norsk Målungdom synest språket i reality-serien Paradise Hotel på TV3 er forfriskande og rosar deltakarane i ei pressemelding.
– Det er forfriskande å høyre dialekt frå Råde i Østfold og Mo i Rana bli snakka med den største sjølvfølgje og sjølvkjensle, seier Janne Nygård, leiar i Norsk Målungdom.
Nygård rosar TV3 for å ha utført ein glimrande castingprossess som har resultert i at dialektar frå Nordland til Agder får boltre seg på TV-skjermen fire dagar i veka – i beste sendetid.
– På Paradise Hotel får ein høyre eit rått og utilsløra språk, snakka slik ungdommen snakkar i dag, og det skal TV3 ha ros for å løfte fram, avsluttar Nygård.
