Mange skuleelevar skiftar frå nynorsk til bokmål når dei byrjar i vidaregåande skule.
Både i Telemark, Møre og Romsdal og Hordaland er talet nynorskelevar i skolen nærast halvert i åra frå elevane går ut av grunnskulen til dei tar eksamen på vidaregåande, skriv NRK.no.
Det kjem fram av tal frå Grunnskolens informasjonssystem (GSI) og Statistisk sentralbyrå, presentert av tidsskriftet til Riksmålsforbundet, Ordet
Les også: Lite nynorsk på Agder
– Så lenge vi har nynorskforbod i VG og Dagbladet, at 80 prosent av det som kjem frå NRK er på bokmål, og omtrent alt som er kommersielle kanalar og kinofilmar er på bokmål, blir ikkje nynorskelevar eksponert for nynorsk. Då er det naturleg at mange byter, seier leiar av Norsk Målungdom, Vebjørn Sture, til NRK.no, og peiker i tillegg på at mange bygdeungdommar gjerne kjem på skular der bokmålet står sterkast når dei flyttar til større stader for å gå på vidaregåande.
Sverre Martin Gunnerud, 2. nestformann i Riksmålforbundet, meiner på si side at det er større valfridom i vidaregåande skule som gjer at mange byter ut nynorsken. (NPK)
