Heim Nyhende Spreier nynorskglede med Nynorskdagane i Radøy

Spreier nynorskglede med Nynorskdagane i Radøy

Maria Rye har brukt denne veka på høgtlesing av nynorske barnebøker på dei første Nynorskdagane i Radøy.

– Eg elskar ungar og eg elskar bøker, så dette var veldig kjekt, seier Maria Rye til Framtida.no.

Maria Rye las boka «Det er ein elefant i barnehagen» av Bjørn T. Bøe.

Saman med to andre i ungdomsrådet har ho lese i tre barnehagar i samband med Nynorskdagane i kommunen.

– Eg las boka Det er ein elefant i barnehagen. Dei likte boka veldig godt. Det merka eg fordi dei byrja å leita etter elefanten då me var ferdige og dei gjekk ut for å leika.

– Kva tenkjer du om å ta vare på nynorsken?

– Eg synest det er veldig viktig å vare nynorsken, og på historia til Noreg. Nynorsken er ein viktig del av språkhistoria vår, seier Maria Rye, som til vanleg går på Austrheim vidaregåande skule på barne- og ungdomsarbeidarlinja.

Fullteikna bloggseminar

Det er første gong Nynorskdagane blir arrangert i Radøy i Nordhordland. I 2014 blei Radøy kåra til både Årets ungdomskommune og Årets nynorskkommune. Prispengane som kommunen fekk som Årets nynorskkommune går til ei rad forskjellige arrangement i år, og på Nynorskdagane som skal arrangerast i 2019.

Onsdag kveld kom Mariell Øyre, dama bak verdas største nynorskblogg; Hjartesmil, for å halda bloggseminar på Ungdommens hus. Ni ungdommar fekk mykje inspirasjon til å laga eigne bloggar.

Les intervju med Mariell Øyre her!

Mariell Øyre (ved enden av bordet) heldt bloggkurs for ungdom. Foto: Katarina Birkeland

Konsertar, føredrag og førestillingar

Tysdag var det opningskonsert med Tom Roger Aadland, som er kjent for dei mange nynorske gjendiktigane sine av songane til Bob Dylan.

I barneskulane har det vore framsyning rundt Vegard Markhus si biletbok Ei kjedeleg bok og teaterstykket Lykkeliten på jakt etter lukka av Marianne Løseth og Teaterkompaniet Grep.

Ungdomsskulen har hatt besøk av fantasyforfattaren Asbjørn Rydland. Og torsdag kveld er det kviss på Ungdommens hus.

Nynorskdagane varer til 30. september.

LES OGSÅ: Tom Roger Aadland får ikkje nok av Bob Dylan

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...

Ber om 36 millionar til nynorsk kulturløft

Nynorsk har ikkje kome godt nok ut av Støre si regjeringstid. No ber dei 21 medlemsinstitusjonane i Nynorsk forum om 36 millionar til eit...

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...