Fem veker etter skulestart har Ingvild Elisabeth Fagereng på Moheia videregående skole endeleg fått nynorskbøkene sine, skriv Framtida.no
Fagereng har nynorsk som hovudmål og sa tidleg frå at ho ynskte skulebøkene på nynorsk. Men ingenting skjedde, ikkje før i går tysdag då saka var oppe i Rana Blad og NRK Nordland fekk ho bøkene sine.
Les også: Ventar framleis på skulebøker
– Det skjedde ingenting med bestilling av bøker før eg hadde hatt kontakt med Noregs Mållag og Norsk Målungdom, og sa at om det ikkje skjer noko med det her så blir det mediesak av det, seier Fagereng til Framtida.no
Ho meiner det både er dumt og irriterande at det tok skulen fire veker før ein bestilte skulebøkene.
– Og at eg må truga dei med mediesak før dei ein gong bestiller bøkene, slår ho fast. Rektor Kaia Erlandsen ved Polarsirkelen, som Moheia høyrer til, beklager at Ingvild Elisabeth Fagereng ikkje har fått bøkene sine før.
