Noregs Mållag opplever at mange vil støtte nynorsken etter at det var kjent at kunnskapsminister Kristin Halvorsen vil setje Utdanningsdirektoratet i gang med å svekkje sidemålsordninga. Siste døgnet har 55 meldt seg inn i Noregs Mållag.
– Det er veldig godt å oppleve at folk bryr seg om nynorsken, og ser at eit sterkt Noregs Mållag er viktig, seier Gro Morken Endresen, dagleg leiar i Noregs Mållag, på mållaget sine nettsider.
Noregs Mållag er ein organisasjon som samlar målfolk frå heile Noreg og har medlemer frå Frp, Høgre, via KrF, Venstre, Ap, SV og Raudt.
– Det er kjekt å sjå at mange deler vårt syn på nynorsk sin plass i skulen, og at dei har tru på at Mållaget kan gjere ein skilnad, seier dagleg leier Gro Morken Endresen.
Sist Mållaget opplevde ein slik vekst på eitt døgn var då NRK sende mållagsepisoden av programmet Ut i vår hage. Då fekk Norsk Målungdom og Noregs Mållag 40 medlemer på eitt døgn. Mållaget har no om lag 10 400 medlemer.
