Heim Nyhende Meiner kommunen bør bli språknøytral

Meiner kommunen bør bli språknøytral

Meininga var at Nissedal kommune skulle ta stilling til om det var behov for ein eigen målbruksplan. I staden for utvikla debatten seg til ein diskusjon om kommunen bør bli språknøytral. 

Kommunalsjef for personal og utvikling i Nissedal kommune, Benedicte Vonen, var ein av deltakarane på landstinget til LNK i vår. I etterkant føreslo ho å lage ein eigen målbruksplan i kommunen. 

– Ein slik plan vil underbyggje identiteten til kommunen, seier Vonen til Vest-Telemark Blad.

Ho vart overraska over at debatten i kommunestyret i staden for handla om kommunen skulle vere nynorskkommune eller språknøytral.

– Det var meir trist enn uventa at fleire politikarar kunne tenkje seg ein språknøytral kommune. Nokre politikarar ynskte å starte ein debatt der og då, men det var ikkje meininga, seier Vonen.

Tore Skåli (Ap) og Frank E. Lien (Frp) meinte det var på tide at kommunen vart språknøytral. 

– Me er tente med at kommunen blir språknøytral, ei løysing som vil gjere både dei tilsette og barna på skulen ei teneste. Elevane må få velje om dei vil skrive nynorsk eller bokmål, seier Skåli og Lien til VTB.

 

Nissedalordførar Halvor Homme er fødd og oppvaksen i Skien, og har brukt bokmål i mange år. Han er klar over at Nissedal ligg i yttergrensa og at det vil bli trykk på kommunen med tanke på bruk av bokmål. Likevel er han sikker i si sak. 

– Det er heilt uaktuelt for meg å dra i gang ein debatt om kommunen skal bli språknøytral. Språket i Nissedal er heilt fantastisk, og eg set veldig pris på at alle kommunetilsette brukar nynorsk, seier ordføraren.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...