Høgre-leiar Erna Solberg meiner aukande interkommunalt samarbeid kan tappe kommunestyra og ordførarane for makt, skriv Kommunal Rapport.
– Auka interkommunalt samarbeid er eit bevis på at kommuenestyra mistar makt, og at ordførarane ikkje klarer å drive kommunane sine, seier Solberg.
Ho meiner samarbeidet ofte rokkar ved prinsippa om lokaldemokrati, og at ein som innbyggjar ofte kan påverke meir i ein stor kommune enn i ein mindre kommune som samarbeider mykje med andre kommunar.
– Når ordførarane sit i 50 interkommunale samarbeid, så skjønar dei fleste at det må gjerast noko med kommunestrukturen, seier ho til NRK Rogaland.
