Heim Nyhende Digital kjelde

Digital kjelde

 

Audhild Gregoriusdotter Rotevatn (35) vil gjerne spandere middag på den første redaktøren i ei tabloid riksavis som vil ha nyhende på nynorsk. Men først skal ho byggje opp eit nynorsk digitalt leksikon.

 

Korleis er det å starte i ny jobb?

– Det er supert å kome i gong. Aasen-tunet er ein flott arbeidsplass, og eg har mange dyktige kollegaer både her og i Samlaget.

Kva blir den største utfordringa?

– Den fyrste er å skaffe seg oversikt over alt som ein dagleg leiar må kunne. Deretter er det å få opp produksjonen på innhald. Det skal gå fint – vi har ein særs dyktig redaksjon.

Kva håpar du Allkunne skal bli til i framtida?

– Eg håpar Allkunne vert ei omfattande kjelde for dei som søkjer kunnskap og fakta. Og ikkje minst at det er fyrstevalet til folk, med stor kjennskap og kunnskap om kva Allkunne er.

Kvifor treng me eit oppslagsverk som Allkunne?

– Allkunne tilbyr noko anna enn det andre nettbaserte oppslagsverk har. Alt som står i Allkunne, er skrive av løna forfattarar og kvalitetssikra av ein redaksjon. Allkunne har omfattande artiklar om nynorsk kulturhistorie, personar og institusjonar som ikkje finst i andre oppslagsverk. Vi trengst fordi vi er ei kvalitetsmotvekt, og sjølvsagt: vi er på nynorsk. Det er viktig både kulturpolitisk, demokratisk og utdanningspolitisk.

Kva må til for å styrkje nynorsk skriftkultur?

– Allkunne er viktig for å styrkje nynorsken. Internett fløymer over av informasjon. Det er ikkje lett for brukarar å vite kva informasjon ein skal stole på. Vi legg stor vekt på godt språk i Allkunne. Andre tiltak som kan styrkje nynorsk skriftkultur, er: fleire masterstudentar på Høgskulen i Volda, fleire nynorske barnebøker, styrking av språkopplæringa i skulen, skilting og bruk av nynorsk i media.

Kva betyr nynorsken for deg?

– Det er morsmålet mitt.

Kvifor vel du å bruke nynorsk ?

– Fordi det er morsmålet mitt, eit dugande språk med stort spenn og mykje farge.

Kva må til for styrkje nynorsken i Oslo-pressa?

Eit vanskeleg spørsmål. Det kan gjerast med gulrot eller pisk. Det er redaktørane som bestemmer. Mykje handlar om fordommar, at ein trur at folk ikkje forstår nynorsk tekst, og at det er knotete og framandt. Eg trur mange undervurderer lesarane sine.

Eg synest det er rart med eit forbod mot nynorsk på redaksjonell plass. No er det ein del som opnar for nynorsk på kommentarplass. Det forstår lesaren. Då er det lite truleg at lesaren ikkje forstår ei nyhendesak på neste side, skriven på nynorsk.

Eg har tidlegare sagt at eg spanderer trerettars middag på den fyrste redaktøren i ei tabloid riksavis som tillet nynorsk i ein nyhendeartikkel. Dette står ved lag! Mange aviser med lesarar over heile landet nyttar bokmål og nynorsk om kvarandre, som Vårt Land og Nationen. Eg har aldri oppfatta at det er eit problem. Store aviser som Bergens Tidende nyttar også begge målformer. Det er ein styrke. Ein del nettaviser har også eit meir nyansert syn på språk. Det lovar bra.

Kva trur du er den største utfordringa for nynorsken no framover?

– Å vere med på digitaliseringa, og revisjonen av nynorskrettskrivinga.

 

AKTUELT

Bur: Ålesund

Aktuell: Tok nyleg til som dagleg leiar i Allkunne. Har tidlegare arbeidd som journalist, redaktør og PR-rådgjevar.

Språk: Nynorsk

Alder: 35

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...