I den nye utgåva av salmeboka er 39 prosent av dei norske salmane på nynorsk.
Med 345 av 915 salmar på nynorsk er nynorskprosenten høgare enn i førsteutgåva av salmeboka frå 1984, skriv Framtida.no.
I den nye salmeboka er dessutan tre songar på dialekt. Det er Velsigna du dag over fjordan av Trygve Hoff , Julekveldsvisa av Alf Prøysen og Du låg og skalv av angst på kne av Bjørn Eidsvåg.
I tillegg har eit fleirtal i Kyrkjerådet tilrådd at Til ungdommen av Nordahl Grieg skal med i den nye utgåva. Til ungdommen har spelt ei sentral rolle i sorgarbeidet etter terrortragedien 22. juli.
Den nye salmeboka skal vedtakast på Kyrkjemøtet i april 2012, og er rekna å vere klar til advent 2013, melder kyrkja.no.
