Heim Nyhende Meir nynorsk på Startsida

Meir nynorsk på Startsida

 

Portalen opnar no for direkte søk i fleire nynorske oppslagsverk og lenkar til endå fleire nynorske lokalaviser.

Endringane på Startsida.no er blant dei største som er skjedd sidan starten i 2005. Startsida.no-brukarane får no lettare tilgang til fleire nynorske lokalaviser på framsida av Startsida.no – i tillegg til fleire nyhende frå Framtida.no og anna nynorsk innhald.

Brukarane av både Startsida.no og bokmålsversjonen Startsiden.no får no høve til å søkja direkte i nynorsk Wikipedia og Allkunne.no. Dermed blir desse nynorske oppslagsverka lettare tilgjengelege frå Noregs største portal med til saman kring 600.000 daglege brukarar.

– Det er veldig kjekt å få på plass desse endringane i Språkåret, seier Svein Olav B. Langåker, innhaldsansvarleg for nynorsksatsingane til ABC Startsiden; Startsida.no og Framtida.no. Frå før er det mogleg å søkja i den nynorske ordboka gjennom Startsida.no og Startsiden.no.

Målet til Startsida.no er å vera eit lokomotiv for nynorsk på internett. Den 17. mai 2005 lanserte ABC Startsiden.no, i samarbeid med Noregs Mållag den nynorske tvillingportal til den opphavlege bokmålsportalen. Hausten 2010 starta ABC Startsiden den nynorske nettavisa Framtida.no i samarbeid med blant anna Landssamanslutninga av nynorskkommunar og Landslaget for lokalaviser.

På Startsida.no får brukarane siste nytt frå både Framtida.no og ABC Nyheter, tv-program, videoar, redaksjonelt vurderte lenkjer til godt innhald og høve til å søkja i ei rad søkjemotorar.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...