– Dei strålar sjølvkjensle og glede, seier juryen om dei to som er kåra til dei mest sexy nynorskbrukarane i 2013.
Forfattar Sigmund Løvåsen og folkemusikar Ingebjørg Bratland er kåra til dei mest sexy nynorskbrukarane i 2013. Dette sa juryen om vinnarane som vart kåra i går kveld:
– Det var mange god kandidatar, og det tok tid før juryen vart samde. Alle finalistane skilde seg frå kvarandre, og alle er dei verdige vinnerar. Men, som i alle kåringar skal ein stå att med vinnarane. Dei to som kan titulere seg Noregs mest sexy nynorskbrukar 2013 er Sigmund Løvåsen og Ingebjørg Bratland. Dei har båe eit lurt smil og smilande augo. Dei strålar sjølvkjensle og glede og dette er noko juryen trekk fram som positivt. I tillegg er dei gode ambassadørar for nynorsk, gjennom litteratur og song. Dei er sexy! Gratulerer!
Det er Norsk Målungdom som gjennom medlemsavisa Motmæle har halde denne konkurransen gåande i vinter. Etter intense nominasjonsrundar enda dei opp med kandidatar frå fjorten fylke, ei dame og ein mann frå kvart fylke. Løvåsen var Hedmarks-kandidaten, medan Bratland representerte Telemark.
Heile kandidatlista ser du her:
- Vestfold: Margit Ims og Daniel Bolstad Fløde
- Aust-Agder: Sanjin Kazagic og Åse Bjorvatn
- Telemark: Odd Nordstoga og Ingebjørg Bratland
- Sør-Trøndelag: Arnfinn Muruvik Vonen
- Buskerud: Stein Torleif Bjella og Åse Wetås
- Finnmark: Sivert Isaksen Warth
- Hedmark: Sigmund Løvåsen og Kristin Fridtun
- Nordland: Ingar Arnøy og Ingvild Elisabeth Fagereng
- Oppland: Marie Klåpbakken og Knut Aastad Bråten
- Oslo: Marit Mæhle Grimsrud og Jens Kihl
- Hordaland: Audun Kjørstad og Ingrid Ophaug Dahl
- Møre og Romsdal: Ann Iren Folkestad og Øyvind Osdal Runde
- Rogaland: Hadia Tajik og Odin Omdal Hørthe
- Sogn og Fjordane: Tarjei Bø og Tone Damli Aaberge
Kristina E. Sæterdal, Karl Peder Mork og Anne Straume har sitte i juryen for kåringa.
