Heim Nyhende Millionar å henta for turistvegar på Vestlandet

Millionar å henta for turistvegar på Vestlandet

Reiselivet langs fire nasjonale turistvegar på Vestlandet kan henta ut til saman 114 millionar kroner meir enn dei gjer i dag, viser ny rapport.

Tala kjem fram i ein rapport som Menom Business Econmics nyleg har levert på oppdrag for Fjord Norge og reiselivsklyngja Norwegian Centre of Expertise (NCE) på Vestlandet, fortel nettavisa Nett.no.

Rapporten tek for seg ein turistveg i kvart av dei fire fylka på Vestlandet og viser kor mykje meir det er mogleg for turistnæringa å tena på natur- og kulturbaserte tilbod.

Geiranger -Trollstigen i Møre og Romsdal toppar lista med 40 millionar meir enn i dag. Deretter følgjer Riksveg 7 i Hardanger med 39 millionar, Sognefjellet med 27 millionar og fylkesveg 520 i Ryfylke med 8 millionar.

– Dette høyrest fint ut, og talet er ganske høgt, men vi er fullt klar over at der er meir å henta, seier dagleg leiar i Destinasjon Geirangerfjord-Trollstigen til avisa.

I 2010 hadde dei fire vegane til samanlikning ei verdiskaping på 22 millionar kroner.

Rapporten byggjer på eit web-basert intervju med 719 tyskarar og 559 nederlendarar som hadde feriert i utlandet dei siste fem åra. Både blant dei intervjua turistane og utanlandske turoperatørar er naturopplevingar det viktigaste. Rundturar med båt på fjorden, guida vandreturar og brevandring toppar lista, medan besøk i stavkyrkjer, vikingattraksjonar og opplevingar knytt til lokal mat er mest populært når det gjeld kulturhistoriske opplevingar. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...