Regjeringa løyver 1 million kroner over statsbudsjettet for 2011 til driftsmidlar til det planlagde Olav H. Haugesenteret, melder Nynorsk kultursentrum.
Tildelinga er mindre enn Nynorsk kultursentrum har søkte om, men det er likevel eit godt utgangspunkt for å setje planane frå forprosjektet ut i live, heiter det i ei pressemelding.
– Dette er gledeleg. Det gir oss eit godt grunnlag for å kome i gang med etableringa av Hauge-senteret, seier styreleiar Reidar Sandal i Nynorsk kultursentrum. Det planlagde Haugesenteret skal bli eit senter for lyrikk, kultur og kunst med utgangspunkt i Hauge si dikting.
