Studentane på førskulestudiet hjå Høgskulen i Oslo har laga fotohistorier på nynorsk og seier dei fekk ei anna tilnærming til språket på denne måten.
Andreklassingane har jobba med fotohistoriene som eit tverrfagleg prosjekt i norsk og IKT, og lærarane opplevde at elevane si haldning til språket endra seg undervegs i arbeidet. Studentane på si side opplevde det som morosamt og kreativt å jobbe med språket på denne måten, og no ønskjer dei at dette avlar ei varig haldningsendringa hjå lærarane, skriv HiO.
– Dette må frontast som viktig, seier student Eva Bakken som vann ei intern tevling med si fotohistorie ”Forteljinga om rare dyr”.
Noregs Mållag har ein kampanje gåande i haust som heiter ”Gjennom ord blir verda stor « og som rettar seg mot barnehagane med tilsette, barn og foreldrer, og i samband med det stilte mållagsleiaren opp som jurymedlem når det skulle kårast fem vinnarar av fotohistorier. Øvregård delte ut bøker som premier og bad studentane love å lese dei høgt på nynorsk.
– Nær all tekstformidling til born går i dag føre seg på bokmål. Men jo meir nynorsk ungane har høyrt, jo lettare blir det å møte nynorsken i skolen – anten det er som sidemål eller hovudmål, sa Øvregård til studentane.
