Heim Nyhende Mindre nynorsk med samanslåing av tingrettar

Mindre nynorsk med samanslåing av tingrettar

Mållaget fryktar sentralisering av tingrettane vil gå ut over nynorsken.

 

– Når Domstoladministrasjonen no føreslår nok ei sentralisering av tingrettane i Noreg, pressar dei det nynorske juridiske språket endå meir. Til saman er det no framlegg om å flytta 7 av dagens 13 tingrettar med nynorsk tenestemål ut av nynorskområda og over til område der bokmålet rår, seier Marit Aakre Tennø, leiar i Noregs Mållag.

Det er i dag berre den administrative delen av tingrettane som er underlagd mållova, dommarane nyttar det språket dei vil i rettslege avgjerder.

Med dei føreslegne samanslåingane vil tingrettane i Valdres og Hallingdal gå frå å ha nynorsk tenestemål til å ha bokmål som tenestemål. Nord-Gudbrandsdalen og Jæren vil få nøytralt tenestemål, noko som i praksis vil seia meir bokmål. Søre Sunnmøre,  Sunnhordland og Hardanger vil halda fram med å ha nynorsk som tenestemål, men vera lokaliserte i bokmålsområde.

– Røynsler frå liknande føretak underlagde mållova, syner at å følgja mållova vert vanskelegare dess lenger vekk frå nynorskområde ein kjem, seier Marit Aakre Tennø.

– I tillegg ser me i dag at slike arbeidsplassar rekrutterer fleire nynorskbrukarar om dei er lokaliserte i nynorskområde. Difor vil ei utflytting av tingrettane frå nynorskområde til bokmålsområde ikkje berre vera uheldig for språket til tingrettsadministrasjonen, men utøvinga av jussen på nynorsk vil òg hamna under press, peikar ho på.

Desse har nynorsk tenestemål dag:
1   Hallingdal (framlegg om å slå saman med Ringerike)
2   Nord-Gudbrandsdal tingrett (framlegg om å slå saman med Sør-Gudbrandsdal tingrett)
3   Valdres (framlegg om å slå saman med Gjøvik tingrett)
4   Vest-Telemark
5   Fjordane (framlegg om å slå saman med Sogn)
6   Hardanger (framlegg om å slå saman med Bergen)
7   Haugaland
8   Jæren (framlegg om å slå saman med Dalane)
9   Sogn (framlegg om å slå saman med Fjordane)
10 Sunnhordland (framlegg om å slå saman med Bergen)
11 Romsdal
12 Sunnmøre
13 Søre Sunnmøre (framlegg om å saman med Sunnmøre)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...