Syskena Jorun Marie og Ola Kvernberg har til dagleg heilt ulike musikalske liv. Under Aasen-stemnet til helga held dei konsert saman.
Jorun Marie Kvernberg spelar i dag i folkemusikkgruppa Majorstuen og Tindra, medan bror Ola Kvernberg blant anna har turnert saman med Thomas Dybdahl og komponert filmmusikk til Erlend Loe sin film Nord. Under Aasen – stemnet på søndag møtes Jorun Marie og Ola, det blir ein samansett konsert med både folkemusikk og jazz. Stemnet avsluttar Dei nynorske festspela som opnar på Ivar Aasen – tunet i morgon.
Ivar Aasen – tunet går no mot eit jubileumsår, i 2013 er det 200 år sidan Ivar Aasen vart fødd. Prosjektleiar for Språkåret 2013, Inger Johanne Sæterbakk, skal halde stemnetalen under Aasen – stemnet og dermed varme opp til det som ein håpar skal bli ei både raus og inkluderande feiring av språket.
