Heim Nyhende Nesten 80 millionar ekstra

Nesten 80 millionar ekstra

Dersom Ørsta og Volda slår seg saman til ein kommune, får dei nesten 80 millionar kroner i frie midlar over dei første ti åra, skriv NRK Møre og Romsdal.

Sunnmørsposten har fått Telemarksforsking til å rekne ut kva kommunane Ørsta og Volda kan få i frie midlar frå staten om dei slår seg saman, skriv NRK Møre og Romsdal. Dei har kome fram til at kommunane vil få vel sju millionar kroner kvart år i ti år framover, til saman 76,7 millionar. Debatten om kommunesamanslåing går no friskt i kommunane.

Ordførar i Volda, Ragnhild Aarflot Kalland, seier til Sunnmørsposten at sju millionar i året er meir enn ho hadde våga å tru på.

Men det er ikkje dei økonomiske drivkreftene som ligg bak at me ynskjer å sjå på ei kommunesamanslåing, seier ho og viser til at det er store fordelar ved ei kommunesamanslåing. Blant anna trur ho den nye kommunen vil bli eit tyngdepunkt på søre Sunnmøre.

Ordførar Gudny Fagerhol i Ørsta er derimot ein av to som stemte i mot samanslåing då saka var oppe i kommunestyret i Ørsta.

Det er ikkje truverdig å lokke med pengar i ein periode dersom det vert ein blåmåndag når pengane forsvinn, seier ho til Sunnmørsposten.

Etter 2021 vert ekstramidlane trappa ned. Det var i desember 2009 at Ørsta fridde til Volda om ei eventuell kommunesamanslåing. Ein storkommune vil i tilfelle få om lag 19 000 innbyggjarar.

 

Førre artikkelPositive til tvang
Neste artikkel– Rett val å ta

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...