I 2000 brukte 7 prosent av oss Internett dagleg. I 2008 var nettbruken auka til 71 prosent, viser tal frå SSB.
Tala har auka monaleg både for kvinner og menn, men framleis er det ein skilnad mellom kjønna. Medan 62 prosent av norske menn brukte Internett og heime-PC dagleg i 2008, var talet kvinner berre 55 prosent. Skilnaden auker enno meir jo eldre ein blir.
Samstundes med at den generelle nettbruken aukar, opplever papiravisene nedgang. Sidan byrjinga av nitti-talet har talet på aviselsarar gått ned frå 84 prosent til 68 prosent, og nedgangen har vore tydlegast frå 1998 og fram til no. Dette har skjedd parallelt med at vi les stadig meir nyhende på nettet.
Også blant innvandrarar er Internett ei populær kjelde til nyhende og informasjon. Ei undersøking gjort av SSB viser at Internett og TV er dei medium som innvandrarar bruker mest. Folk med innvandrarbakgrunn frå Afrika, Asia, Latin-Amerika og Europa utanom EU er dei som brukar radio og papiraviser minst i forhold til andre innvandrarar og befolkninga i Noreg generelt.
