Heim Nyhende Østfold Mållag med første Kindle-ebok på norsk

Østfold Mållag med første Kindle-ebok på norsk

Østfold Mållag har lagt ut årboka si «Aust i Vika» for sal til dei i Noreg som alt sit med ein Amazon Kindle levert frå USA. Dette er truleg éi av dei første norske bøkene som kan lesast på ein Kindle. Om ikkje den første.

– Dette er ein revolusjonerande måte å lage, selje og distribuere bøker på for små utgivarar, seier leiar i Østfold Mållag, Magne Aasbrenn, i ei pressemelding. Aasbrenn har 20 års erfaring frå bokutgiving i liten skala, og opplever innføringa av elektroniske bøker som ei demokratisering av bokheimen.

Boka ligg ikkje inne i nettbutikken til Amazon, men må tingast direkte frå Mållaget. Boka blir send rett til lesebrettet via e-post på mobilnettet. Kjøparane må betale 6 kroner til Amazon, og Østfold Mållag har tillit til at dei etter mottaket vil overføre ein 50-lapp til laget sin bankkonto for innhaldet i boka.

– Alle som vil lese årboka til Østfold Mållag, er ærlege menneske, meiner laget, så dette går nok bra.

Aasbrenn har sjølv programmert innhaldet i papirårboka om til eit format som passar på Kindle, og seier at det dreier seg om temmeleg enkel html-kunnskap.

Østfold Mållag var også veldig tidleg ute med å lage nettside til laget midt på 90-talet, så tidleg at lokalavisa i Fredrikstad laga avisoppslag på det. (NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...