I september blir det klart om Vålen skule i Nord-Trøndelag går over til bokmål som hovudmål, skriv Steinkjer-avisa.no.
Dette er den einaste nynorskskulen i Nord-Trøndeleg i dag. Ei rådgjevande avstemming skal haldast 29. september om Vålen skule skal ha nynorsk eller bokmål som hovudmål. Avstemminga er kun rådgjevande for den vidare politiske behandlinga, seier Elisabeth Jonassen, avdelingsleiar for skule og barnehage i Steinkjer kommune, til Steinkjer Avisa.
Bakgrunnen for ei ny avstemming er ein underskriftskampanje i Vålen skulekrins, der 67 personar har skrive under på at dei ynskjer ei ny avstemming om kva hovudmål dei 30 elevane ved skulen skal ha. Dei som har skrive under utgjer 31 prosent av dei med røysterett.
Jonassen vil leggja fram resultatet av avstemminga i september for politisk behandling i hovudutval, formannskap og til slutt kommunestyret. Desse vil avgjera om Vålen skule i framtida skal ha bokmål eller nynorsk som hovudmål.
Les meir her
