Rogaland fylkeskommune er vert for Nordens største arrangement om barn og unges lesing og litteratur. I februar 2011 skal konferansen haldast i Stavanger, og konferansen har fått namnet Maktens pluttifikasjon – den nordiske barne- og ungdomslitteraturkonferansen.
–Maktens pluttifikasjon vil handle om makt, klasseskilje og ny brytningstid, fortel prosjektleiar og kunstnarisk leiar Ine Marit Torsvik Bertelsen. – Aldri har mangfaldet innanfor barnelitteraturen vore større. Og utviklinga peikar i alle retningar.
Maktens pluttifikasjon har ein visjon om å vise fram ny barne- og ungdomslitteratur gjennom gode og truverdige formidlarar, og publikum får treffe forfattarar, omsetjarar, forlagsfolk og forskarar frå heile Norden og elles i Europa. Konferansen blir halde annakvart år og vart første gong arrangert i 1993.
Du kan lese meir om Maktens pluttifikasjon på bloggen: http://maktenspluttifikasjon.wordpress.com.
