Noreg er leiande i Europa på å ta i bruk mobil teknologi, og berre Sverige har fleire mobile breiband per abonnent enn oss.
Talet på faste breibandsabonnement i Noreg var i overkant av 1 650 000 i juni 2010, melder Fornyings-, administrasjons- og kyrkjedepartementet i ei pressemelding. Berre Nederland, Danmark og Sveits har fleire breibandsabonnement per innbyggjar enn Noreg.
– Dette er gode tal, både for innbyggjarar, næringsliv og offentleg sektor. Fornying av offentleg sektor med sjølvbetente løysningar og nye avanserte elektroniske tenester føreset god breibandsutbreiing. At så mange også har mobilt breiband, stadfestar at nordmenn har evne og vilje til å vere i front med ny teknologi, seier fornyingsminister Rigmor Aasrud.
