Heim Nyhende – Norsk Ordbok må bli eit nasjonalt fellesføretak

– Norsk Ordbok må bli eit nasjonalt fellesføretak

 

–  Norsk Ordbok og språksamlingane ved Universitetet i Oslo bør bli eit nasjonalt fellesføretak slik Artsdatabanken er det, seier direktør Ottar Grepstad i Nynorsk kultursentrum.

På eige initiativ og i samråd med fleire universitet og høgskular har Nynorsk kultursentrum levert ei utgreiing til Kulturdepartementet om kva som bør gjerast når Universitetet i Oslo neste år avviklar sitt arbeid med språksamlingar og ordbøker.

Nynorsk kultursentrum rår til å opprette ein ny driftsorganisasjon tufta på universitets- og høgskulelova. Denne gir styresmaktene høve til å leggje drifta av ei nasjonal fellesoppgåve til ein bestemt institusjon med eit eige styre, slik det er gjort med Artsdatabanken. Driftsorganisasjonen dekkjer både bokmål og nynorsk og skal utvikle tenester og tilbod som er allment tilgjengelege som gratis nettenester for publikum. Særleg gjeld det å forvalte og vidareutvikle dei store språksamlingane, gjere Norsk Ordbok til eit fulldigitalt ordbokverk (i dag gjeld det berre oppslagsorda i–å), og oppdatere og jamleg utvide heile verket.

Det nasjonale fellesføretaket kan leggjast samla til Universitetet i Bergen eller delast slik at språksamlingane blir lagde til Universitetet i Bergen og ordbokredaksjonen til Høgskulen i Volda, meiner Nynorsk kultursentrum. Den samla staben bør utgjere 16–19 årsverk – av desse står språksamlingane for vel 12 årsverk.

– Vi halverer dagens stab, og det er mykje. Det finst gode argument for at staben bør vere større, og minst like gode argument for at den iallfall ikkje må vere mindre, seier Ottar Grepstad.

– Arbeidet med ordboka held då fram med like få medarbeidarar som i 1972, og språksamlingane utgjer ein endå mindre stab enn den gongen.

For første gong har nokon rekna grundig på kva vidare drift vil koste. Årlege driftskostnader vil truleg utgjere 17–19 mill. kr, alt etter organisering og lokalisering. I år bruker det offentlege minst 37 mill. kr på språksamlingane og ordbokarbeidet.

– Knut Johanssen i Norsk Standard sa nyleg at norsk språk er den viktigaste nasjonale infrastrukturen vår. Så stor er denne saka for både næringsliv, forsking og innbyggjarane i Noreg, seier Ottar Grepstad.  Han meiner Norsk Ordbok både fagleg og teknisk er eit av dei fremste ordbokverka i verda.

–  Noreg er eit rikt land, men ikkje så rikt at vi har råd til å skusle bort den kulturarven språksamlingane og Norsk Ordbok utgjer, seier direktøren i Nynorsk kultursentrum.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...