Heim Nyhende Nynorsk redaktørpris til Magni Øvrebotten

Nynorsk redaktørpris til Magni Øvrebotten

Dagleg leiar for NRK Nynorsk mediesenter, Magni Øvrebotten (59), får Nynorsk redaktørpris 2013. Prisen vert tildelt for framifrå innsats for nynorsk som mediespråk.  

 

 

–  Øvrebotten er og har vore ei sterk kraft for nynorsk mediespråk i meir enn ein generasjon, seier leiar for Mediemållaget, Berit Rekve.

I grunngjevinga heiter det at gjennom redaktørgjerninga og som leiar for utdanninga av journalistar som skal levera på nynorsk på alle plattformer, har Øvrebotten vore framsynt.

Alltid jobba for nynorsken
Med opprettinga av Nynorsk mediesenter i 2004, der ho har vore dagleg leiar sidan, har Øvrebotten gått føre i arbeidet med korleis ein kan utvikla nye talent til nynorskbrukande journalistar. Senteret er eit føregangstiltak, skriv Mediemållaget i ei pressemelding.

–  Eg er veldig glad for denne prisen. Eg har alltid jobba for nynorsken, seier Magni Øvrebotten til Nynorsk pressekontor.

–  Tøft for nynorskbrukarar
Øvrebotten har bakgrunn frå Bergens Arbeiderblad, Firda, Nationen og Dølaposten. Ho kom til NRK Sogn og Fjordane i 1980, der ho seinare blei redaksjonssjef og distriktssjef. I 2004 blei ho tilsett som dagleg leiar ved Nynorsk mediesenter i Førde.

–  Det kan vera tøft å vera nynorskbrukar i media. Det er ikkje tilfeldig at mange av nynorskjournalistane hamnar i NRK, TV 2 eller lokalaviser. Ein kan ikkje jobba i Dagbladet om ein vil bruka nynorsk, seier prisvinnaren.

«Sta stubbebrytar»
Ho har gjennom ni år som leiar av Nynorsk mediesenter lært opp 90 journaliststudentar.

–  Eg har hatt ein finger med i spelet for mange karrierar. Det er eg stolt av. Det er kjekt å følgja med på korleis det går med journalistane, seier Øvrebotten.

I grunngjevinga for prisen blir ho omtala som «ein sta stubbebrytar» for nynorsken.

–  Eg er absolutt sta. Og eg har sterk vilje. Det har hjelpt meg mykje. Eg trur alle som kjempar for nynorsken må vera både sta og viljesterke, avsluttar Øvrebotten. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...