Kommunal – og moderniseringsminister Jan Tore Sanner (H) vil vurdere framtida til prisen Årets nynorskkommune.
– Me ser positivt på at det eksisterer ein nynorskpris som premierer god innsats for nynorskspråket. Me vil no sjå på korleis det vil vere naturleg å følgje opp dette arbeidet vidare, seier Jan Tore Sanner til lnk.no.
I år var det Ørsta kommune som fekk nynorskprisen som blir delt ut av Kommunaldepartementet.
Les også: Ørsta Årets nynorskkommune 2013
Prisen, som vart innført i 2009, er på 100.000 kroner og eit bilete. Tidlegare vinnarkommunar er Stord, Seljord , Fjell og Sogn og Fjordane. Bakgrunnen for prisen er å heidre kommunar som arbeider godt for å stimulere til meir nynorskbruk.
Les også: Motiverte til å arbeide meir med språk
I juryen for nynorskprisen sit: Vidar Høviskeland, Landssamanslutninga for nynorskkommunar, Nina Teigland, Språkrådet.
Gunn Berit Gjerde, fylkesvaraordførar (V) i Møre og Romsdal, Rune Hetland, Landslaget for lokalaviser og Christine Hjortland, Kommunal- og regionaldepartementet.
