Heim Nyhende Nynorsken sigra i Møre og Romsdal

Nynorsken sigra i Møre og Romsdal

Nynorsken vann med 25 mot 22 røyster då Fylkestinget behandla saka om å verte språknøytral.

 

Måndag debatterte Fylkestinget i Møre og Romsdal om fylkeskommunen skal gå bort frå nynorsk som administrasjonsspråk.

Fleire av partia var delte i meiningane og voteringa enda med 25 røyster for framleis nynorsk administrasjonsspråk, medan 22 representantar stemte for språknøytralitet.

LES OGSÅ: Blir Ålesund nynorskby?

–  Språk er makt
Forslaget om språknøytralitet vart fremja før jul av Ålesunds-politikaren Monica Molvær (H).

– Me snakkar om behovet for modernisering og forenkling av offentleg sektor. Som ein del av det meiner eg det er på tide at dei som jobbar i fylkesadministrasjonen slepp å bruka tid på språkvask og korrektur, sa Molvær ifølgje Sunnmørsposten den gongen. 

Til NRK Møre og Romsdal seier Molvær no at ho respekterer avgjerdsla, men at det ikkje må bli ei forskjellsbehandling.

Politikarane frå KrF, SV, Venstre og Senterpartiet stemte alle for å halde på nynorsken, medan Ap, Høgre og Frp var meir splitta. 

Forkjemparar for språknøytralitet peika på at heile 70 prosent av elevane i den vidaregåande skulen i Møre og Romsdal har bokmål som hovudmål og at språknøytralitet vil gjere rekrutteringa enklare.

Fylkestingsrepresentant for Høgre, Peder Gjerstad, var ein av dei som kjempa for språknøytralitet, trass i at han har hatt nynorsk som hovudmål i heile oppveksten.

– Eg har ikkje noko påtrengande behov for å pressa nynorsk på andre. Fylkesrådmannen har sjølv stadfesta at det er folk som har takka nei til jobb på grunn av kravet om nynorsk. Dette handlar om å seie nei til forbod mot bokmål, sa Gjerstad ifølgje NRK.

Fylkesvaraordførar (V) Gunn Berit Gjerde frykta på si side at språknøytralitet i praksis ville vorte bokmål.

– Ein overgang frå nynorsk til språknøytralitet vil få konsekvensar. Fleire vil slutta å bruka det. Eit språk opprettheld seg ikkje sjølv. Språk er makt. Språk har alltid vore brukt i fridomsskampar. Nynorsk vart brukt i kampen mot danskeveldet og mot kansellispråket. Bokmåsidentiteten er ikkje truga. Det er nynorskidentiteten som er truga, sa Gjerde frå talarstolen.

LES OGSÅ: Mobiliserer for framleis nynorsk i Møre og Romsdal

Nynorske heimesider
Vedtaket inneber at nynorsk framleis skal bli brukt i alle saksframlegg, alle møteprotokollar, årsrapportar og alle overordna planar. I tillegg vil Fylkeskommunens heimesider, annonser, utlysningar og publikasjonar vere nynorske.

Elles står avdelingane fritt til å velja målform, men ifølgje mållova skal det offentlege alltid svara brev på mottakaren si målform. 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...