Heim Nyhende Nynorskstipend til språk-app

Nynorskstipend til språk-app

Geir Larsen frå Lofthus i Hordaland har fått nynorskstipend på 50 000 kroner frå Noregs Mållag for å utvikle språklæringsappar på nynorsk. Med utbreidd bruk av digitale læringsverktøy meiner mållaget det viktig at nynorsk heng med på den arenaen.

 

– Ved å laga app-ane gjer eg min del, men dei må brukast òg. Det håpar eg dei vert, seier Geir Larsen.

Prosjektet går ut på å produsere nynorske versjonar av fire ulike pedagogiske appar og gjere dei tilgjengelege for sal. Appane legg opp til at brukarane får språktrening gjennom spanande oppgåver.

Med marknadsføring på sosiale medium, ulike nettstader og søkjemotorar ynskjer han å nå ut til nynorskbrukarar og såleis bidra til å styrkje nynorsk språkbruk. Geir Larsen har lang erfaring med å utvikle programvare for undervisning, og har mellom anna samarbeidd med Fagbokforlaget om distribusjon av slik programvare.

Noregs Mållag deler ut to slike stipend kvart år. Stipendene var ei gåve frå Kulturdepartementet ved 100-årsjubileet til mållaget i 2006.

LES INTERVJU MED HAN PÅ FRAMTIDA.NO!

Heile grunngjevinga:

Dette er det andre og siste stipendet me deler ut i år. Stipendsøkjaren vil gjere eit viktig arbeid for at born og unge får møte og lære nynorsk på nye arenaar. Han har sett eit behov som han har god kompetanse til å vere med å dekkje.

Geir Larsen ynskjer å utvikle språklæringsappar på nynorsk, og har i samband med det utvikla prosjektet ”Nynorskløftet 2016, kortreist og nynorsk”. Prosjektet går ut på å produsere nynorske versjonar av fire ulike pedagogiske appar og gjere dei tilgjengelege for sal. Appane legg opp til at brukarane får språktrening gjennom spanande oppgåver. Med marknadsføring på sosiale medium, ulike nettstader og søkjemotorar ynskjer han å nå ut til nynorskbrukarar og såleis bidra til å styrkje nynorsk språkbruk.

I ein kvardag der fleire og fleire av læringsverktøya i skulen er digitale, og der me elles nyttar mykje tid på mobiltelefon, nettbrett og liknande, er det viktig at nynorsken heng med på denne utviklinga. Det er difor eit stort behov for pedagogisk programvare på nynorsk, og det er særskilt viktig at born får møte språket sitt på ein engasjerande måte som fremjar lærelyst.

Geir Larsen har lang erfaring med å utvikle programvare for undervisning, og har mellom anna samarbeidd med Fagbokforlaget om distribusjon av slik programvare. Med prosjektet sitt syner han eit stort engasjement for nynorsken og for at born skal ha høve til å verte trygge språkbrukarar. Han ivrar for å auke omsetnaden av nynorske appar, noko som vil vere eit lyft for nynorsken.

Med si breie røynsle og eit spennande prosjekt trur me at Geir med dette stipendet kan vere med på å styrkje språkkjensla til born og unge, og å bidra til at nynorsken vert tilgjengeleg på nye område – men likevel til ei aldersgruppe og målgruppe som fortener alt det beste i språklæringa si. Difor får Geir eit stipend på 50.000 kr, og me ynskjer lukke til med det viktige arbeidet!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...