No er ordet ski og samansetningar som skiløype, skiutstyr og skiklede grundig registrert og ført i det nyaste bandet av Norsk Ordbok. Ski-ordsamlinga kjem for ordens skyld ut veka før ski-VM.
Bandet er det niande av i alt tolv planlagde band og tar for seg orda ramost (gammalost) til skodda Dette bandet har nærare 28.000 oppslagsord frå heile landet. Mange av dei har aldri stått i noko ordbok tidlegare.
– Artig at vi er klare med mengder av ski-ord i tide til ski-VM i Oslo, seier prosjektdirektør Åse Wetås ved Universitetet i Oslo.
Det nye bandet av Norsk Ordbok kjem ut torsdag 17. februar.
Det storstilte ordsamlingsprosjektet kom i gang alt i 1930, men først i 1966 var det første bandet klart. Heile ordbokprosjektet skal vere fullført til grunnlovsjubileet i 2014. (©NPK)
