Fylkesordførarane i dei fire vestlandsfylka aksjonerer måndag for ferjefri E39.
Målet er å leggje press på regjeringa, ifølgje Vestlandsrådet. Frå klokka 14 stiller fylkesordførarane i Rogaland, Hordaland, Sogn og Fjordane og Romsdal på Mortavika ferjekai i Rogaland. Der skal dei møte bilistar og yrkessjåførar, og gå gjennom Vestlandsrådet si satsing på ferjefri E39.
– Dette er ein ny offensiv frå eit samla vestland. Alle analysar viser at ein ferjefri kyststamveg i høgste grad er realiserbar. No må regjeringa tore å investere i infrastruktur, er bodskapen frå fylkesordførarane. (©NPK)
