No blir det nynorske skilt for alle penga på Haukeland universitessjukehus, fortel Bergensavisen.
I tillegg til at skiltinga ikkje har vore god nok, har også sjukehuset fått pes for ikkje å ha nytta nynorsk slik tenestemålet til Helse Bergen er.
– Det er ikkje sikkert at alle bergensarar blir like begeistra for dei nynorske skilta våre, men det blir i alle fall lettare for pasientar og besøkande å finne fram, seier avdelingssjef Gro Aarli ved Haukeland til nettavisa i dag.
Sentralblokken har no blitt til Sentralblokka og Øyebygget har blitt Augebygget på dei nye skilta som no kjem opp. I tillegg til at skiltinga no blir på nynorsk, er det andre bygg som får nye namn, som til dømes Administrasjonsbygget som blir til Jørgen Sandbergshus, oppkalla etter den første direktøren ved Haukeland.
Les også: Gir meir språkrefs til Haukeland universitetssjukehus
