Jon Askeland (Sp) meiner han får for godt betalt.
I mange kommunar er det vanleg at ordførargodtgjersla følgjer godtgjersla for å sitja på Stortinget. Men Radøy-ordførar Jon Askeland (Sp) meiner no løna har blitt for høg.I eit notat til kommunestyret rår ordføraren godtgjersla for den komande perioden blir sett til 90 prosent av den godtgjerdsla ein stortingsrepresentant får. Det melder Avisa Nordhordland.
Det medfører ein reduksjon på 10 prosent frå inneverande periode, då Radøy vedtok at ordførargodtgjersla skulle følgja stortingsrepresentantane.
Frå 1. mai 2015 er årleg fast løn for stortingsrepresentantane 885.491 kroner i året. Ordføraren i Radøy meiner altså at dette er for mykje.
– Eg meiner at deira godtgjersle har auka så mykje dei siste åra, at det ikkje lenger er rett at Radøy følgjer dette prinsippet fullt ut, skriv Askeland, ifølgje Nordhordland.
LES OGSÅ: Radøy er Årets nynorskkommune
