Heim Nyhende Over tusen nynorske barnebøker i gåve til barnehagar

Over tusen nynorske barnebøker i gåve til barnehagar

I løpet av eitt år har lokallag i Noregs Mållag delt ut nynorske barnebøker til over 150 barnehagar over heile landet.

 

Prosjektet er ein del av kampanjen «Gjennom ord blir verda stor», som handlar om meir nynorsk og språkleg medvit i barnehagane.

– At born møter nynorsk frå dei er små, er viktig for språkutviklinga og haldningane til nynorsk, seier Marit Aakre Tennø, leiar i Noregs Mållag.

– Barnehagane driv i større grad enn før språkopplæring med ulike aktivitetar som stimulerer språket. I mange barnehagar i nynorskområde går språkstimuleringa føre seg på bokmål. Dette gjev nynorskungane eit dårlegare utgangspunkt ved skulestart enn ungane som skal lære bokmål, og gjev nynorskungane ein svakare språkleg identitet, seier Marit Aakre Tennø.

Difor har lokale mållag kjøpt bokpakker frå Samlaget og Skald, som dei har gjeve i gåve til barnehagar i nærområdet sitt. Det er lokallaga sjølve som står for finansieringa. Så langt har over 150 barnehagar fått bokpakker, og godt over tusen nynorske barnebøker er blitt delte ut.

I dag, tysdag 1. mars, er det nasjonal barnehagedag med språkstimulering som tema, og fleire lokale mållag vil nytte høvet til å gje ei nynorsk barnebokgåve til barnehagane.

Pedagogisk leiar Mariell Haugland tek imot nynorske barnebøker frå Askøy Mållag og nestleiar Hans Birger Drange (t.v) og leiar Erlend Bakke. Fireåringane Herman (t.v) og Simen er glade for gåva.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...