Halvparten av dei ti beste kommunane i Nærings-NM er nynorsk-kommunar.
Det viser ferske tal frå NHO som har målt nyetableringar, lønnsemd, vekst og den relative storleiken til næringslivet i kvar kommune.
Som vanleg dei siste åra dominerer vestlandskommunane, med 12 kommunar blant dei 20 beste. Dei små kommunane gjer det generelt svakare i Nærings-NM enn dei store.
Sola kommune i Rogaland er beste kommune dei siste ti åra sett under eitt. Årets overrasking er Berg kommune i Troms, som hamnar på andreplass, mens fjorårets vinnar Sandnes kjem på bronseplass.
Næringspolitisk direktør i NHO, Petter Haas Brubakk, peikar på olje, gass og fisk som drivaren til dei gode resultata langs kysten, frå Rogaland til Nord-Trøndelag.
Han seier i ei pressemelding at han har merka seg at resultata frå NM i næringsliv har ført til auka lokal debatt om korleis ein kan betra næringsklimaet kommunen sin.
– Me er godt nøgde med at det ikkje er uvanleg at lokalpolitikarar samanliknar sin kommune med nabokommunen for å triumfera eller for å læra av resultata til andre, seier han.
Her er lista over dei ti beste kommunane i Nærings-NM:
1. Sola
2. Berg
3. Sandnes
4. Fjell
5. Førde
6. Stavanger
7. Sogndal
8. Klepp
9. Trondheim
10. Austevoll
