Norsk Fjellfestival har turar både for den ivrigaste fjellklatraren og for barnefamilien.
Norsk Fjellfestival i Romsdal går av stabelen blir i 2012 arrangert for 14. gang. Festivalen er i dag det største og viktigaste enkeltarrangementet i Noreg for menneske som er glade i fjell og friluftsliv. Festivalen har fast samarbeid med Den Norske Turistforening (DNT), som mellom anna har lagt ungdomsleiren sin, Basecamp, til fjellfestivalen. Årets fjellgeit blir delt ut i samarbeid med DNT, ein pris mellom andre Vegard Ulvang, Børge Brende, Cecilie Skog og Dronning Sonja tidlegare har fått.
På årets program står blant anna havkajakkurs, grottetur, gardsbesøk, klatreturar, hundekøyring, rafting og barneløp. Helene Bøksle står for den muskalske opninga, kokk Esben Johansen lærer deg å lage turmat og Stein P Aasheim fortel om arven etter Helge Ingstad for å nevne noko.
Både festivalen og Rauma kommune tar mål av seg for å vere verdas beste kommune å bu i for naturglade menneske.
Dersom du kjem deg opp på sju av dei høgaste og mektigaste tindane i Romsdalen og legg fram bilete av deg sjølv på alle toppane kan du også bli kalla Fjellkonge eller Fjelldronning. Så langt er det under 50 personar i Noreg som har gått alle fjella og fått heiderstittelen. Tindane er: Romsdalshorn (1550 moh), Store Vengetind (1852 moh), Store Trolltind (1788 moh), Kvanndalstind (1744 moh), Gjuratind (1712 moh), Kongen (1614 moh), Dronninga (1544 moh).
Festivalen:
LNK.no kikkar på nokre av festivalane som finn stad i LNK-kommunane. Her finn du meir festivalstoff.
