Usemja om korleis Noregs nye regionkart skal sjå ut kan løysast ved å legge bispedømma til grunn for fylkessamanslåingar, foreslår pater Kjell Arild Pollestad.
Pollestad reagerer spesielt på den foreslåtte samanslåinga av Hordaland, Rogaland og Sogn og Fjordane til ein ny vestlandsregion.
– Det er klart dei må vere sjølvstendige, noko anna blir berre krangel, seier Pollestad til Klassekampen, og viser til at korleis bispedømma er inndelte mellom Bjørgvin, som blir styrt frå Bergen, og Stavanger, som blir styrt frå Stavanger. Han trur bispedømma kan fungere som nye regionar, fordi dei er innarbeidde i medvitet og identiteten til folk.
Ideen til den katolske pateren får støtte frå Kirkerådets direktør Jan-Petter Johnsen.
– Vårt inntrykk er at bispedømma er gode inndelingar som fungerer og gir felles identitet, seier han. (©NPK)
