Heim Nyhende Posten skal framleis nytta nynorsk

Posten skal framleis nytta nynorsk

Fleirtal på Stortinget.

Posten Noreg AS skal få nye vedtekter og i det fyrste framlegget var punktet om at selskapet skal fylgja prinsippa i mållova fjerna. Det reagerte Noregs Mållag skarpt på, og no er dei blitt høyrde. I den endelege innstillinga frå Transport- og kommunikasjonskomiteen, som blei lagt på bordet 15. november, er kravet på plass att.

Fleirtalsrepresentantane frå Arbeidarpartiet, Senterpartiet, Kristeleg folkeparti og Venstre sikra at Posten også i framtida skal vera med og ta ansvar for å ta vare på og hegna om dei to norske språka.

– Vi er veldig glade for at stortingsfleirtalet går imot regjeringa og seier at Posten også i framtida må praktisera språkleg likestilling mellom nynorsk og bokmål, seier Magne Aasbrenn, leiar i Noregs Mållag.

– Ein kan godt seia at nynorsk på frimerke og at ein kan velja Digipost på nynorsk er detaljar i den store samanhengen. Men summen av slike detaljar stadfestar at nynorsk er eit språk som er like mykje verd som bokmål, og det gjer at nynorskbrukarane kjenner seg frie til å nytta nynorsk i alle samanhengar, seiar Aasbrenn.

Regjeringa har sagt at dei vil halda på «Noreg» på frimerke, men ville fjerna språkvalet i Digipost. Til VG seier Nikolaj Astrup frå Høgre at dette kan gje Posten store ekstrakostnader som konkurrentane ikkje har. Posten seier sjølv at nynorsk ikkje er noka vesentleg utgift for drifta.

– Desse økonomiske atterhalda er berre smålege, seier Magne Aasbrenn, som gir honnør til den politiske konstellasjonen som har gitt Noregs Mållag ein siger og regjeringa eit nederlag i denne saka

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...